اه يابلد الروتين والقوانين

اه يا بلد الروتين والقوانين


<div style="margin:auto;text-align:center;width:100%">


انا النهارده دمى محروق وفاير

واى حد هيعصبنى هشوط فيه

النهارده زى اى بنى ادم عادى رايح يخلص ورق فى جه حكوميه

طبعا اخدت اجازه الصبح من الشغل

وسفرت الصبح بدرى على الجامعه


عشان اخلص اوراقى

اولا استماره دخول امتحان البكالوريوس

ثانيا اجيب شهاده اثبات قيد فى الجامعه عشان اشتراك الاتوبيس

والحمد لله معملتش اى حاجه من الاتنين

ورجعت افايا بيامر عيش زى مبيقولو

وما نبنى غير يوم اجازه على الفاضى

وسفر رايح جى فى عز الحر على الفاضى

وكامن خد فقيهم حرقه دم

ده مش انا بس انا وناس اصدقائى وناس تانيه كتير منعرفهاش

بعد ما تفجئنا بشويه قوانين نزله جديده عطلتنا عن الاوراق

اولا نبداء باستماره دخول الامتحان

الست الموظفه تقلنا عاوزين صوره شهاده ميلاد كمبيوتر

قلنلها يعنى شهاده ميلاد كمبيوتر

تقلك لا صورتها

قلنلها ما حضرتك معاكى اصل شهاده الميلاد اهو فى الملف

تقول لا متنفعش لازم صوره شهاده ميلاد كمبيوتر

نقلها طب نصورها ونجبلك الصوره

تقول لا لازم الصوره تكون بتاعه شهاده ميلاد كمبيوتر

ياستى اشمعنا السنه دى كده

قالت قوانين جديده ومشددين عليها

قلنا خلاص عوضنا على الله فى الورق الاول

نشوف الورق التانى بتاع اثبات القيد

ياستى الكل ياحنينه ( بنتحايل عليها يمكن تعطف علينا )

عاوزين نطلع اثبات قيد

مفيش مشاكل ياشباب

اسمائكم ايه فلان وفلان وفلان.......

اه بس للاسف مش هينفع ياشباب

ليه ياستى مش هينفع

قالت عشان مدفعتوش المصاريف

قلنلها ياستى المصاريف مدفوعه ومعلناش حاجه

قلت لا مصاريف السنه دى لسه مدفعتش

قلنلها ما طول عمرنا بنطلع اثبات القيد طالما دفعين مصاريف السنه الى فاتت

قالت لا نازل قوانين جديده السنه دى لازم تكون مصاريف السنه الحاليه

قلنلها بردو !!!!!!!

قلنلها ياستى طب مالسنه لسه مبدائتش اصلا

تقلك وانا مالى القوانين كده

طب ياستى خلاص

احنا مكناش عملين حسبنا بس ممكن ندفع نص المصاريف دلوقتى ونجيب الباقى الاسبوع الجاى

لا مينفعش

راح واحد من الى معايا قلها ياستى مانا السنه الى فاتت دافع المصاريف على مرتين

قلتله كان السنه الى فاتت السنه دى فى قوانين جديده

قلتلنا مليش دعوه اطلعو لوكيله الكليه

طلعنلها

ياستى يهديكى يرضيكى

احنا وخدين اجازات من شغلنا وجيين من سفر

لا دى قوانين من فوق ومفيهاش استثنائات

واحنا ملناش دعوه بالظروف الى بتقولوها دى

ورجعنا بخفى حنين

حظهم ان كلهم ستات

لانهم لو كانو رجاله كنا دورنا فيهم الضرب


اه صحيح معانا واحد زملنا فى كليه تانيه كان نازل يجيب شهادته الى بقلها شهر خلصانه ونزل 3 مرات يجبها ومعرفش

عشان الشهاده عند العميد وقفه يادوب على الختم والعميد بيصيف !!!!!!!!!!!!!


اولا نفسى اعرف مين الذكى الى نزل القوانين دى

ثانيا الموظفين الى بطبق القوانين دى تطبيق اعمى

كانه استغفر الله العظيم قران منزل

كن فيكون

فى حاجه اسمها مرونه

وروح القانون

بس هنعمل ايه فى بلدنا

بلد القوانين والروتين

عادي يعني مش عشان حاجه زي كده نكره البلد
كل حته فيها الوحش والحلو
ولازم نحب بلدنا مهما كانت بعيوبها
وصدقني مشكلتك بسيطه
مش معقده ولا حاجه
وكلنا لها