sad bird
سنه رابعه اتحاد
عدد المساهمات : 238
تاريخ التسجيل : 07/07/2009
العمر : 36
 |  موضوع: بنك ملاكى !!!!!!!!!  الأربعاء أغسطس 19, 2009 4:37 am | |
| بنك ملاكى!!!!!!!!!!! من شويه وانا بتفرج على التليفزيون وبقلب كالعاده
بين القنوات الممله الى مفيهاش حاجه مفيده او تشدك
لقيت مشهد مجموعه فلاحين رفعين يفط ووقفين
قلت فى بالى الله هو حمى الاعتصمات وصلت الفلاحين
طب الفلاح معتصم ليه عاوز مثلا يخلى السنه خمس مواسم بدل اربعه عشان يزرع اكتر .........
قلت لا اكيد الموضوع مش كده
قلت يمكن فيلم قصير فاشل من الى التلفزيون المصرى بيهرينا بيهم طول اليوم
قلت بردو لا المنظر شكله طبيعى
المهم
لقيت صوت الست المذيعه جى عشان يقطع تفكيرى ده كله
وبتقول هنكلم مع الفلاحين عشان نعرف قصتهم
اولا المكان قريه الزرقا بدمياط
الى حصل ياجماعه ايه بقى
اقلكم..............
بس مش هتصدقو !!!!!!!!!!
خلاص خلاص انا هقلكم
الناس الفلاحين الغلابه دى
جيلهم انذرات من بنك الاتمان الزراعى عشان عليهم قروض
قلت عادى قروض بعشره عشرين الف زى القروض الزرعيه المعروفه
والناس متعسره زى مالشعب كله متعثر فى فيلم بوبس...................
انا بصراحه اول ما سمعت الارقام اتخضيت
اقل رقم اتقال
امسك اعصابك
360 الف جنيه
ومرورا بقى بنص مليون
ومليون
وارقام كتير اوى كده
قلت الله هو الزراعه اطورت اوى كده فى مصر عشان الناس تحتاج المبالغ دى
بس لتانى مره جه صوت المذيعه وقطع تفكيرى
وبتقول ان الناس دول كلهم اميين
وراحو عشان يخدو كماوى من بنك الائتمان فمدير البنك استغل جهلهم ومضاهم على اوراق قروض
وفى ناس فعلا خدت قروض بس بمبالغ صغيره عشر الاف بس لقو عليهم مئات الالوف
وناس كانو مقدمين على قروض والمدير قلهم اترفضت اكتشفو بردو انهم عليهم مئات الالوف
ولما الناس راحو لمدير البنك بيته
وضغطو عليه
قلهم معلش يا جماعه انا خدت الفلوس دى عشان مش عارف ببنى برج فى المنصوره
وقبل ما ميعاد السداد هيجى هسدد عنكم كل الفلوس دى !!!!!!!!!!!!!!
والفلاحين بطيبتهم المتناهيه صدقوه
وصحبنا بردو مسددش حاجه
والناس هتتسجن
ومدير البنك هبر الملايين
وفى الاخر الى هيتعاقب الفلاحين الغلابه الطيبين
وفى الاخر هيطلع بيان من الدوله يقلك ما هم الغلطنين عشان اومييين
!!!!!!!!!!!!!!!!
(الخبر على مدونتى الخاصه) | |
|
bent bet7eb masr
أمين اللجنة الثقافية والاعلامية
عدد المساهمات : 1419
تاريخ التسجيل : 06/04/2009
العمر : 35
| | موضوع: رد: بنك ملاكى !!!!!!!!! الإثنين سبتمبر 07, 2009 9:29 am | |
| لا تعليق
بس القانون لا يحمي المفلين
للاسف | |
|
sad bird
سنه رابعه اتحاد
عدد المساهمات : 238
تاريخ التسجيل : 07/07/2009
العمر : 36
| | موضوع: رد: بنك ملاكى !!!!!!!!! الثلاثاء سبتمبر 08, 2009 7:46 am | |
| معاكى حق القانون لايحمى المغفالين
بس لما يكون المحرم قدام عنينا
ومعترف بجريمته
مينفعش نسيبه عشان القانون لا يحمى المغفلين
فى حاجه اسمها روح القانون
ودى للاسف مفتقدنها كتير | |
|
