اكتب امنيتك هنا كل يوم............

مع كل إشراقه يوم جديد ,؛؛؛؛

اكتب أنا وتكتب انت أمانينا كل يوم لنؤمن عليها جميعاً وندعوا للجميع بالقبول

مشاركة وجدانيه احببت ان اشارككم فيها

امنيتى اليوم: انى اطلع من المود اللى انا فى اليومين دول

يا رب الموضوع يعجبكم

امنيتي اليوم وكل يوم ان ربنا يحقق للناس كلها امنياتها اما انا ف ماليش اي اماني يلا الحمد لله على كل شيء
شكرا نونه على موضوعك اجميل اوي

يارب يا نونه تخرجي من اللي شغالك دا وتبقى كويسه وتنوري المنتدي تاني

اما توته بقى فحاسس انها عندها 80 سنه بموضوع انها ملهاش اماني ده
ازاي يعني مفيش
توته ...حبي الحياة عشان تحبك
محدش من غير اماني
لان الاماني هي الحياة
وانتي في عز حياتك

امال ايه بقى الموضوع دع ده نونه في مود وحش وتوته معندهاش اماني
يا سلام
انتو لسه مشوفتوش حاجه
طب انا منيتي بقى انكو لما تقرو الرد ده تضحكو

ههههههههههههههههههه اديني انا عن نفسي حققتلك امنيتك عقبال نونه

ايوة كده يا توته وتنسي بقى مضوع مفيش امنيات بقى
طب تعرفي انتي ان شاء الله لما تتجوزي كده هتخلفي بنت وتسميها امنيه باذن الله
وبجد لازم تدخلي تاني وتكتبي امنيتك النهارده عشان ندعيلك كلنا
فينك يا نونه يا رافعه معنوياتي
هههههههههههههههههه

ربنا يستر يا كيمو
انا اتمنى ربنا يسترها معايا وربنا يشفيني ويشفي كل مريض ويهديني ويهدي الناس كلهاواتمنى انه يكون محدش يكون زعلان مني عشان مبحبش حد يزعل مني

مش عارف يانونه انا لسه عارف من فترة بسيطه
بس معتقدش ان ممكن حد يزعل منك او انك تزعلي حد
ويا رب يسترها معاكي ومعانا كلنا يارب وخصوصا ان الامتحانات قربت
يالا شدي حيلكو كده وربنا يوفقنا

على فكره انا لو اتجوزت مش هسمي بنتي امنيه واحده انا هسميها اماني

يالا على بركه الله بس متنسيش تعزمينا عالفرح والف مبروك مقدما

انا اهو يا كيمو والضحكة اهى عشان مش تزعل

ههههههههههههههههههههههههههه
ههههههههههههههههههههههههههههههههههه ههههههههههههههههههههههههههه

وكمان كبيرة عشان مش تقول انى بخيله

وربنا يحقق امنيتك يا توته

انا امنيتى بقى انهاردة ان صحابى اللى زعلتهم وانا مودى وحش يسمحونى بجد كلهم

قولو يا رب

ماشي يانونه ايوه كده املو الدنيا ضحك وفرح ويا رب مايشلها من وشكو ابدا
ويا رب ماحد يزعل منك تاني يانونه
وان شاء الله ماتخشيش المود الوحش ده تاني ياااارب
انا بقى نفسي النهارده اني اتخرج السنه دي بتقدير كويس مع انه خلاص بقى مقبول
ادعولي

ان شاء الله تتخرج بتقدير حلو

وكمان تلاقى شغل اول لما تتخرج على طول

انا بقى نفسى انهاردة انى ابدا اذاكر عشان انا سيبه المذاكرة خالص

ادعولى ربنا يهدينى واذاكر عشان الامتحانات خلاااااااااااااااص

ياااااااااااااااااا رررررررررررررررررررررب

ياااااااااا رب يا نونه
وان شاء الله وباذن الله تبداي مذاكرة من النهارده او بكرة لو هتقضي اليوم برة ولا حاجه مش زي حالاتي
وكل سنه وانتي طيبه انتي وتوته
وعلى فكرة توته ماتمنتش حاجه امبارح يبقى النهارده لازم تحط امنيتين
اما انا بقى فانا امنيتي ان ربنا يعدي الايام بسرعه لحد يوم 10 يونيه عشان واحد صاحبي اوي جاي في اليوم دا من السعوديه وهو واحشني موووووووووووووووت بجد
يارب يجي بالسلامه ان شاء الله

وانت طيب يا كيمو ويا ري يرجعلك صحبك ب الف سلامه
انا بئى بتمنه ان ربنا يهديني و يشيل اي افكار من دماغي وحشه وارجع احب الناس زي الاول واثق فيهم

يارب يانونه يشيل الحاجات الوحشه دي من دماغك لانها فعلا وحشه بجد
وليه دخلتيها في دماغك اصلا
الناس مش وحشه زي مانتي فاهمه
لا في ناس كويسين كتيييييييييير جدا
ومينفعش منثقش في الناس
لان الناس دول اصحبنا واحبابنا
اختاري انتي بس صح واتعلمي
الدنيا مش بتقف على اي حد او اي حاجه
مش كده برضه؟؟؟؟؟؟

المشكله انك تحس ان الانسان ده طيب اوي وكويس وكل حاجه ويجي يكدب عليك اصل كداب نساي بتبئى حاجه تغيظ وبتبئى باينه اوي والناس بجد بقت غريبه اليومين دول انا معرفش ليه مستغربه ناس حاجه غريبه فعلا

بصي يا توته انا فعلا اه بكرة الكذب اكتر حاجه
بس يا توته مش كل الناس كدابين في ناس صادقين اكيد موجودين حواليكي
وبعدين يا توته الناس مش بقت حاجه غريبه ولا حاجه
ولا كل الناس كدابين
لسه في ناس طيبين في الدنيا ومعتقدش انك ملقيتهمش
بجد لو حواليكي ناس كويسين وبيحبوكي اتمسكي بيهم لاخر لحظه ومتبيعمش
وبعدين يا توته اللي بيحب بيسامح يمكن اللي بيكدب ده كانت غلطه وعدت
مش ممكن برضه؟؟؟؟؟؟؟؟؟؟

ممكن برضك وربنا يهدي الناس كلها احسن من كتر الكدب الواحد بئى يكدب على اللي بيكدبوا عليه واظاهر ان الواحد ممكن يتغير بسببهم عشان كده الاحسن الواحد يحاول يبعد عنهم بقدر الامكان عشان يحافظ على نفسه وميبقاش وحش

بصي يا توته
الوحده افضل من رفيق السوء
بس انا متاكد ان في ناس حواليكي كويسين برضك
صدقيني امسكي فيهم جامد لو لسه ملقيتهمش ان شاء الله هتلاقيهم قريب
وربنا يوفقك يارب
هقولك نكته
مرة واحد اتنين تلاته
بايخه صح
ابقى قوليلي واحده حلوة

ما انا كتبت نكت في قسم اضحك معانا ابئى شوفها ويا رب تعجبك

انا امنتى النهاردة انى ميكنش فى حد زعلان منى
واتمنى على اقد مقدر انى اخلى كل الى حوليا مبسوطين حتى ولو كان على حساب نفسى
نووووووووووووووووووودى

ان شاء الله ربنا يحقق كل امنيكم يا رب

انا بقى نفسى اطلع السنادى بتقدير حتى لو جيد على الاقل

بجد ادعولى

ان شاء الله محدش هيزعل منك يا نودي عشان انتي زي السكر وربنا يحققلك كل امنياتك
وانتي يا نودي ان شاء الله ربنا هيوفقك وهتطلعي ب اكتر من جيد كمان ب اذن الله وربنا يوفقك
انا بئه امنيتي انهارده ان امتحان محاسبه يعدي على خير ويا ريت كل الامتحانات يا رب

ان شاء الله محدش يزعل منك يا نودي
ويارب يا نونه تطلعي بجيد جدا يارب
وباذن الله يا توته يعدي امتحاناتك كلها على خير يارب وامتحان المحاسبه يكون عدي على خير

اتمنى بقى النهارده ان الاسبوع الجاي ده يعدي على خير عشان عندي 3 امتحانات فيهم وهو اخر اسبوع قبل الامتحانات
ورنبا يستر في الامتحانات الاسبوع اللي بعديه

ادعوووووووووووووووووولي

انا انهارده اتمنى ان باقي الامتحانات تكون لذيذه كده وحلوه زي الاداره كده ولا انا عشان بحب الاداره فكراها سهله