ماذا ستفعل بعد التخرج؟؟؟؟؟؟؟

الموضوع اللى هعرضه عليكو مهم جدااا ومعظم الشباب لو مكنش كلهم يعنى بيواجهوه
وهو "البطاااااااااااالة" الكابوس اللى بيطارد كل الشباب
بقى كل واحد دلوقتى قبل ما يخلص دراسته حتى بيفكر ياترى انا لما اخلص هعمل ايه؟
لو ولد مثلا يبقى هيأدى الخدمة العسكرية اللى عليه
طيب وبعدين بعد كدة هعمل ايه؟ المفروض الطبيعى يعنى انه يشتغل
وزى مانتو عارفين الحكومة مفيش أمل انها تشغل الشباب
طيب خلاص أمرى لله اشتغل فى اى حاجة او فى اى شركة مثلا
ده حتى الشركات اكتفت ومش عايزين موظفين جدد
طيب وايه الحل يعنى
ايه يعنى اخرة التعليم ووجع الدماغ وفلوس اهلى اللى ضاعت على الدروس الخصوصية والكتب الجامعية ده كله يروح كدة من غير فايدة
واخرى قعدة القهاوى ولا اللف مع اصحابى فى الشوارع واخر ده كله طبعا بيكون مصيبة (بعد الشر عن الجميع يارب)

قولولى بجد ده مش بيدور فى دماغ الشباب ؟
اكيد فى صور لشباب ناجحين ماشاء الله
بس كل واحد وظروفه
يعنى زى مانتو عارفين الواسطة دلوقتى هى حل كل حاجة
لو معاك واسطتك ادخل اى مكان وانت حاطط رجل على رجل
طيب وده مش حرام يعنى
طيب واللى مش معاه واسطة يعمل ايه يروح يشتغل حرامى يعنى ولا ايه

انا بتكلم معظم كلامى فى الموضوع ده على ايجاد وظائف للشباب (الولاد) لان المسئولية بتكون كبيرة عليهم أكتر من البنات طبعا
بس ده مش معناه ان البنت مش محتاجة للشغل
بس انا اقصد بس ان الولد محتاج للشغل اكتر من البنت

اتمنى ان فكرة الموضوع اكون طرحتها بشكل كويس وتشاركونى بآراءكو

بص يا عبدة يا حبيبى احنا اما نتخرج هعمل زى ما بنعمل دلوقتى

كل يوم بنقعد على الكافتريا بس الفرق ان احنا مش هنكون مع بعض

.................شكرا على موضوعك يا عبده...................

فكرك يا صاحبى ان بعد التخرج مش هيكون فى حاجه توصلنا ببعض
على العموم افتكر رحله بورسعيد والكلام الى اتقال فيها
ميرسى على مرورك
عبدالله الشاعر

الموضوع جميل بس لو اتحل مش هنلاقي حاجه نتكلم فيها عشان كده محدش بيحلو بنضيع وقت في الكلام عنوا فمتحرمناش من اللحظه الحلوه دي واصلا مفيش حل

انا بعد ما اتخرج هشتغل
والشغل كتييييييييييييييير جدا
بس اللي يدور