الاحتراف الخارجى

حلم كل لاعب مصرى .. عدم البقاء بمصر ..
فتاتى اول فرصة للرحيل .. و هوب .. يطير على تركيا او بلجيكا او اليونان ..
فى بيتقدم و يدوس و ينجح و ينضم من فريق لاخر لغاية ما يوصل لاسبانيا او انجلترا او ايطاليا ..
و فى اللى بيرجع و مش عارف راح ليه .. و ضيع سمعة و عمل مشاكل ..
و فى لعيب امه داعية له و فجاة بنلاقيه ضرب 100 خطوة و انتقل لدورى كبير ..

ده مش اى كلام و فعلا فى نموذج لكل لعيب ..

فى لعيب بيتدرج زى ميدو .. بلجيكا و بعدين اياكس ثم مارسيليا ..
هوب يطير على سلتا فيجو .. ربنا يكرمه يروح روما ..
بعدين يروح توتنهام .. يرجع من الاعارة لروما ..
يروح تانى الفريق اللندنى مع السبيرز .. يروح ميدلزبره ..
فجاة يروح فريق ويجان و بعدين تنقطع الاخبار و هنشوف ..!

فى لعيبة بتروح و ترجع زى مابنقول ..
لعيب زى شيكابالا .. مش فاكر راح اليونان و رجع خد سنة ايقاف على فترتين ..
غرامات بالجملة .. و سمعة ضاعت يمكن تمنعه من الاحتراف لنهاية مسيرته ..
تكرر الامر مع امير عزمى مجاهد التى ضاعت موهبته الرائعة و ضاع على المنتخب ..
اخرين مش فاكرهم .. او مش عايز افتكرهم ..

فى منهم راح و نجح .. بس فى فرق متوسطة .. زى احمد حسن
لاعب راح لعب فى بشيكتاش و اندرلخت .. هى فرق جيدة جدا جدا .. و لكنها ليست بدورى قوى ..

فى منهم زى زكى .. ضربت معاه ..
جه ستيف بروس .. و فرحت انه طلع بالرغم انه ترك الزمالك ..

و لكن الاحتراف اكتشفت انه مش هيفيد المنتخب ..
ليه ..؟

هو اكيد ( مش ) مش هيفيد المنتخب ..
و لكن .. مش معقول اننا نلاقى واحد فى الدورى الاماراتى و واحد فى التركى و اتنين فى انجلترا ..
5 لاعبيه بس .. و مش كلهم اساسيين ..

تعالوا نشوف منتخب كاس القارات اللى لعب ..

عصام الحضرى ( سيون السويسرى اضعف من المنتخب المصرى )

وائل جمعة ( النادى الاهلى المصرى )

احمد سعيد اوكا ( نادى حرس الحدود المصرى )

هانى السعيد ( نادى الزمالك المصرى )

احمد فتحى ( نادى الاهلى المصرى )

سيد معوض ( النادى الاهلى المصرى )

محمد شوقى ( ميدلزبره الانجليزى بالدرجة الثانية )

حسنى عبد ربه ( الاهلى الاماراتى اضعف الدوريات العربية )

محمد حمص ( نادى الاسماعيلى المصرى )

احمد حسن ( نادى الاهلى المصرى )

محمد ابو تريكة ( نادى الاهلى المصرى )

محمد زيدان ( نادى بورسيا دورتموند الالمانى )

احمد المحمدى ( نادى انبى المصرى )

احمد عيد عبد الملك ( نادى حرس الحدود المصرى )

احمد عبد الغنى ( نادى حرس الحدود المصرى )

محمد ابو جريشة ( نادى الاسماعيلى المصرى )

الفريق اللى ابدع امام البرازيل .. كان فريق فيه 4 محترفين ..
الحضرى و شوقى و زيدان و عبد ربه ..

الحضرى .. بالمركز القبل الاخير بسويسرا احد اضعف دوريات العالم ..
شوقى .. بلا هوية الان يريد العودة ام البقاء .. البورو بالدرجة الثانية ..
عبد ربه .. بالنهاية دورى عربى و يمكن دورينا احسن بكتير من الامارات ..
زيدان .. الوحيد اللى محترف بجد و ماضى فل مع النادى ..

يعنى مفيض محترفين بجد لعبوا بكاس القارات غير شوقى و زيدان .. على اساس
ان دوريات الامارات و سويسرا اضعف من الدورى المصرى .. و اللعيبة ديه تاسيس
مصرى و خرجوا من اجل اسباب الجميع يعلمها ..

المنتخب المصرى محلى .. و هو شئ جيد .. لازم الفريق كله يحترف عشان يكون للاحتراف معنى ..
زكى ابدع مع المنتخب و هو لعيب بالزمالك و مع انبى ..

لما خرج لموسكو اول مرة فشل مع الاتنين .. فى ويجان كان كويس لفترة معاه و مش كويس بالمنتخب ..

الاحترف يبقى استفادة للاعب بالشهرة و المال .. و لكن للاحترف معنى اذ كان جماعى كما بالدول الاخرى
نادر متلاقى فريق فيه لعيب محلى

سـ1
هل فعلا تتفق ان الاحتراف الخارجى مجرد استفادة من اللاعب .. او انه يفيد المنتخب و الكرة المصرية ؟

سـ2
هل انت مع او ضد الاحتراف الخارجى و لماذا ؟

سـ3
اضف ما لديك ..

منقووووووووووووووووووووووووووووول