احلي لحظات في حياتكوو .....

اكيد كل واحد فينا بيمر بلحظات حلوة فى حياتنا
لحظات بتمر وساعتها بتحس انك اسعد واحد فى الدنيا
وساعتها بتتمنى ان اللحظات دى متخلصش ابدا
انا عن نفسى شايفة ان احسن 4 حاجات فى الدنيا هى
1-تضحك لدرجة ان عنيك تدمع من كتر الضحك
2-تحلم حلم جميل
3-تقعد تحكى وتتكلم من قلبك مع حد بترتحلة
4-تقعد ع البحر وقت الغروب
دى احلى لحظات حياتى
ياترى انتو اية احلى لحظات حياتكو؟؟؟؟؟؟؟؟؟؟

انا فى لحظات حلوة عشتهاوبكررها كتير اوى
زى مثلا انى اقابل صحابى واقعد معاهم ونقضى وقت جميل
وفعلا البحر وقت الغروب مالهوش حل
ولما اشوف حد كان نفسى اشوفه او مبشوفهوش كتير
اما بئى اللحظات اللى انا بتمنى اعيشها اولا انى اعمل حاجه لحد واخليه مبسوط بالذات ابويا وامى
وبعد كدا اى حد
وكمان الانسانه اللى هرتبط بيها اكيد هعيش معاها اسعد لحظات حياتى يعنى جنه من الاخر
نفسى كمان الف العالم كله
اما بئى احلى وقت بقضيه دلوقتى هو تقريبا كل جمعه عشان بروح الكورنيش بتاع الفيروز واسهر هناك واقضى احلى وقت على البحر

وشكرا ليكى ياتغريد على احلى موضوعات
وتقبلى مرورى ومعلش لو كنت طولت


يحيى المصرى

اللحظات الحلوه كتير فى حياه الانسان بس انا شايف ان اللحظات الحزينه دايما بتكون اكتر
ومن اجمل اللحظات الحلوه الى انا بحسها اوى لما ابص فى عنين حبيبتى

انا اكتر لحظات حلوه في حياتي لما بقرب من ربنا سبحانه وتعالى
ولما اسافر انا عاشقه للسفر
ولما اقعد قصاد البحر واقوله على كل اللي مضايقني
واكيد في لحظات كتير
بس دول اللي فكراهم

بالنسبه ليا اسعد لحظات حياتي وانا بين اصحابي ومع انتيمتي ولما كمان بخرج مع يحيي اخويا لانو قريب ليا وبيفهمني


بس.... واكيد حاجات تانيه زي النجاح في الدراسه الواحد بيبقي سعيد لما يحس بالنجاح في اي حاجه مش بس في الدراسه .....كفايه كده .....



* شيمو*