عدد المساهمات : 254 تاريخ التسجيل : 21/05/2009 الموقع : (Lonely World)
موضوع: اتحداك تعرفها بعد الجواز !! الخميس سبتمبر 10, 2009 10:04 pm
مش بتلاحظوا كلكم بيبقى فيه تناقض كبير بين البنت والست
او بمعنى تانى البنت قبل الجواز وبعد الجواز
بتتغير 180 درجة مئوية هههههه
لو جينا كدا ليها لبعض التصرفات قبل وبعد الجواز هنلاقيها متناقضة تماما
مثلا
- لو شوفت بنت ماشية فى الشارع عايز تعرف هى مجوزة ولا لا الطريقة سهلة من غير متتعب نفسك وتبص على الدبلة شوفها لابسة لبس شيك وبتلبس لبس على الموضة ولا لا لو هى لابسة ومتشيكة تبقى لسة مش اجوزت انما بقى بعد الجواز تلبس لبس الناس بتوع 50 سنة
-لو عزمت البنت اللى بتحبها على العشا اول حاجة هتتاخر ساعة عشان الميك اب وهتجيلك وتكون مكسوفة وانت اللى تعد تحاول تفتح معاها مواضيع معاها مثلا اى رايك فى المكان لبسك حلو اوى وهى ترد بكسوف ميرسى
انما بقى بعد الجواز وطبعا هيكون معاك اطفال بس نفترض ان الاطفال فى البيت تعد تدعى انت اليوم يعدى بسرعة وتفضل انت باصص فى اى حتة غير فى وشها وهى طبعا اللى هتتطلب الاكل هتجبلك نص الاكل اللى فى المطعم لحد عندك فى التربيزة وادفع يا معلم وتقولك الباقى للاولاد لازم نعمل حسابهم ههههههه وتعد بقى ترغى ترغى فى كلام فاضى وانت تقولها يلا عشان نلحق العيال قبل ميناموا ومش ياكلوا حجتك هههههههه
-لما تبقى مع البنت اللى بتحبها قبل الجواز تبقى انت قايم بدور الرغاى وتعد ترغى وتقولها بحبك صوتك حلو وعينيك حلوا وكل حاجة فيكى حلوا وبعد الجواز هى اللى تبدل معاك مالك يا راجل مش بتكلم لية وهى اللى تبقى رغاية
-لو كلمت بنت فى التليفون تبقى مخليا صوتها رقيق بدرجة تحسسك انها ملاك وتكون عايز انت تشحن ب1000 جنية عشان تفضل تكلمها وتقولك هى بصوت رقيق شوفت مسلسل نور تعالى بقى بعد الجواز تعالى كلمها بصوت ضخم الووو تقولك ازيك هات معاك وانت جاى كيلو سودانى وكيلو لب عشان مسلسل الدالى جاى وتتمنى لو مش تشحن تانى بس هتروح فين مراتك هتشحن ابقى اعمل بقى الموبيل اوف لاين او غير متصل بالشبكة ههههههه
شوف بقى البنت قبل الجواز تبقى عايزة تحافظ على رشاقتها وعلى جمالها وعلى بشرتها ومش تحب تنزل الشارع عشان الشمس ولا تعمل اى حاجة وتحافظ على شعرها كويس
تعالى شوفها لما تجوزها تحس انك مجوز قرد الشعر خشن واسمرت من كتر الوقوف فى الشمس وتتخن اوى مش تهتم بمظهرها
يعنى من الاخر انا جاى انبهك لما تتجوز واحدة فهمها قبل الجواز مش تتحول وتبقى ست هههههههههه
قولها ابقى زاى مانتى رومانسية رقيقة جميلة رشيقة مهتمة بنفسها عشان تفضل فى عنيك اجمل ست فى الدنيا
عندمآ تعجز النفس عن لقآء الآحبه فإنها تشتآق إليهم لكن بصمتِِ حزِين
موضوع: اتحداك تعرفها بعد الجواز !! 
الخميس سبتمبر 10, 2009 10:04 pm
وبعد الجواز
